သူငယ်ချင်းရေ...
နတ်ကနားစီးနေသူကို
ဆိုင်းတီးပြီးပင့်ပေးနေကြမှတော့
တကိုယ်ကောင်းဆန်ဆန်အတ္တတွေဟာ
အ၀တ်မပတ်ဘဲ-----------
ကပြရဲတာ မဆန်းပါဘူး။
"ဆန္ဒကိုသိက္ခာနဲ့ ထိမ်းပါ" တဲ့
အဲဒါကလဲ သူငယ်ချင်းရေ
ငွေပြန်မအမ်းချင်လို့ 
စပယ်ယာတွေ ရေးထားတဲ့
ဘတ်စ်ကားထဲက စာသားတစ်ခုရယ်ပါ။
သူငယ်ချင်းရေ...
မျှော်လင့်ချက်တွေ တပုံတခေါင်းကြီးပေးပြီး
လွှတ်တော်တက် အိပ်နေတဲ့အမတ်တွေထက်
ကာလကတ္တားအိမ်ယာမဲ့တွေရဲ့
မက်နေတဲ့အိပ်မက်ကမှ
တို့ အတွက်ဖြစ်ကောင်းဖြစ်နိုင်ပါသေးတယ်။
သူငယ်ချင်းရေ...
မင်းသားဖြစ်ချင်လို့ လဲမဟုတ်ပါဘူး
မဖြစ်ရလို့ ပတ်မကြီးကိုထိုးဖောက်မယ့်အထဲလဲမပါရပါဘူး...
ဒါပေမယ့်...
ဟန်ဆောင်ကောင်းရုံနဲ့ 
ဇာတ်လိုက်ခန့် တဲ့ခေတ်က
အခြားကမ္ဘာမှာတော့ ကုန်ပြီသူငယ်ချင်း။
